Артқа
Артқа

Тіркеу науқаны: емхананы ауыстырғысы келетіндер саны 2,5 есеге өсті

15 қыркүйектен 15 қарашаға дейінгі аралықта еліміз бойынша жыл сайынғы емханаға тіркеу науқаны өтті, оның шеңберінде қазақстандықтар 2023 жылға өздеріне қызмет көрсететін емхананы ауыстыруға мүмкіндік алды. Әлеуметтік медициналық сақтандыру қоры атап өткендей, биылғы күзде бұл мүмкіндікті пайдалануға ниет білдірушілер саны өткен жылғы акциямен салыстырғанда 2,5 есеге көп болды.

 

Өткізілген науқанның алдын ала нәтижелері бойынша емханаларға тіркелген халық саны шамамен 19,7 млн адамды құрады, оның ішінде 2023 жылға арналған тіркеу науқанының мүмкіндіктерін шамамен 277 мың адам пайдаланған.

Бұл ретте алғаш рет МСАК ұйымдарына 24 мыңға жуық тұрғын тіркелді, ал 165,5 мың адам қазіргі қызмет көрсету емханасын басқасына ауыстыруға шешім қабылдады.

2023 жылға арналған тіркеу науқанына 717 алғашқы медициналық-санитарлық көмек ұйымы қатысты, олардың 83-і – жаңа жеткізушілер, яғни науқан шеңберінде алғаш рет өздерінің тіркеу қызметтерін ұсынды.

Естеріңізге сала кетейік, тіркеу науқаны жыл сайын 15 қыркүйектен 15 қарашаға дейін өткізіледі. Осы кезеңде тұрғындар келесі жылдың 1 қаңтарынан бастап өздеріне қызмет көрсететін емхананы таңдай алады. Аталмыш науқан аясында сіз емханаға бірінші рет тіркеле аласыз, өзіңізге қызмет көрсететін ұйымды өзгерте аласыз немесе өз емханаңыздағы учаскелік дәрігерді ауыстыра аласыз. Тіркелетін емхананы таңдау кезінде үйіңізге жақын емхананы таңдау ұсынылады, себебі үйдегі медициналық көмекті емхананың қызмет көрсету аумағында тұратын пациенттер ала алады.

Сіз қай МСАК ұйымына тіркелгеніңізді электрондық үкіметтің веб-порталында (жеке деректерде) тексере аласыз.

Егер сізде сұрақтар туындаса, оларды Пациенттерге қолдау көрсету қызметіне хабарласу арқылы, өз емханаңызда қоя аласыз. Сізге жергілікті жерде көмек көрсетілмесе, Әлеуметтік медициналық сақтандыру қорына өзіңізге ыңғайлы байланыс арнасы арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.

Дәл осы құралдар сақтандырудың күйін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР egov.kz электрондық үкіметінің сайтындағы «Денсаулық сақтау» бөлімінен «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы білуге болады.

 

 

19.12.2022
66% считают статью полезной Была ли эта статья для вас полезной ?
Сонымен қатар оқыңыз
КАК ПРОВЕСТИ КАНИКУЛЫ С ПОЛЬЗОЙ?
ЖАЗҒЫ ДЕМАЛЫСТЫ ҚАЛАЙ ТИІМДІ ӨТКІЗУГЕ БОЛАДЫ?
Жаз – баланың денсаулығына көңіл бөліп, профилактикалық тексерулерден өтуге таптырмас кезең. Балаларды қорғау күні қарсаңында Әлеуметтік медициналық сақтандыру қоры кішкентай пациенттер үшін ТМККК және МӘМС аясында қандай медициналық қызметтер бар екенін еске салды.
30.05.2025
В ПОДДЕРЖКУ ВРАЧЕЙ: ГЛАВА ФСМС ПРЕДСТАВИЛ ПОСТАВЩИКАМ НОВЫЕ ПОДХОДЫ
ДӘРІГЕРЛЕРДІ ҚОЛДАУ: ҚОР БАСШЫСЫ ЖЕТКІЗУШІЛЕРГЕ ЖАҢА ТӘСІЛДЕРДІ ТАНЫСТЫРДЫ
Әлеуметтік медициналық сақтандыру қоры медициналық көмекті мониторингтеу, төлеу және сатып алу тәсілдерін жүйелі түрде жаңғыртуды қолға алды. Астана мен Алматы қалаларында өткен жұмыс кездесулерінде Қордың басқарма төрағасы Айдын Құлсейітов жеткізушілерге жаңа тәсілдерді таныстырды.
26.05.2025
ТОП 10 УНИКАЛЬНЫХ ОПЕРАЦИЙ ПО ОСМС ЗА АПРЕЛЬ 2025 ГОДА
2025 ЖЫЛДЫҢ СӘУІР АЙЫНДА МӘМС АЯСЫНДА ЖАСАЛҒАН ТОП 10 БІРЕГЕЙ ОПЕРАЦИЯ
2025 жылдың сәуір айында МӘМС қаражаты есебінен жүргізілген 10 бірегей және қымбат операцияларды жинап шықтық.
20.05.2025
Барлығын қарау
Өтініш беру МӘМС калькуляторы Іздеу